اس سبق
میں ہم آپ کو مرحلہ وار ونڈوز7 انسٹال کرنا سکھائیں گے۔ اس سبق میں ہم نے فوٹوز کی
مدد سے نئے استعمال کرنے والے کو بآسانی سکھانے کی کوشش کی ہے۔ آپ نیچے دیئے گئے
آسان مراحل سے بآسانی اپنے کمپیوٹر یا لیپ ٹاپ میں ونڈوز 7 انسٹال کر سکتے ہیں۔
ونڈوز 7
انسٹال کرنے کا جائزہ
سب سے
پہلے آپ کو اپنے کمپیوٹر یا لیپ ٹاپ کی خصوصیات جیسا کہ ریم، پروسیسر، ہارڈ ڈسک
وغیرہ کا پتہ ہونا چاہئے۔ آپ اپنے کمپیوٹر کے مدربورڈ کا ماڈل یا لیپ ٹاپ کا ماڈل
کا کوڈ گوگل پر تلاش کرکے اس بات کا یقین کر لیں کہ آپ کا سسٹم ونڈوز 7 کو سپورٹ
کرتا ہے۔
وہ باتیں
جن کا آپ کو انسٹالیسشن شروع کرنے سے پہلے علم ہونا ضروری ہے
آپ کے
پاس ونڈوز 7 کی بوٹ ایبل ڈی وی ڈی ہونا ضروری ہے۔ اگر آپ کے پاس ونڈوز کی ڈی وی ڈی
موجود نہیں ہے تو آپ دیئے گئے لِنک سے ونڈوز 7 کا آئی ایس او ڈائون لوڈ کر سکتے
ہیں۔
· اپناکمپیوٹر
سٹارٹ کریں اور مسلسل F2دبائیں۔ ایسا کرنے
سے آپ کو ایک مینو دکھائی دے گا جس میں آپ کو CD/DVD
سے سسٹم کو بوٹ کرنے کی آپشن ملے گی۔ اس کو سیلیکٹ کریں۔ ونڈوز اپنی فائلز لوڈ
کرنا شروع کر دے گی۔
· آپ
تھوڑی دیر میں ونڈوز کے سیٹ اپ مینو میں ہونگے۔ یہاں آپ ونڈوز کی زبان (US
English)منتخب
کریں گے اور Next پر کلک کر دیں۔ اسکے بعد آپ کے سامنے
INSTALL NOW کا آپشن ہوگا، اس پر کلک کریں اور ونڈوز کی انسٹالیشن
شروع ہو جائے گی۔
· اس کے بعد آپ کو لائسنس ایگریمنٹ یا معاہدہ نامہ دکھایا
جائیگا۔ Accept پر کلک کریں اور اگلے مرحلے کی طرف چلے جائیں۔
· اگلے مرحلے میں آپ کا UPGRADE اور CUSTOM (ADVANCED) انسٹال کی آپشن نظر آئیگی۔ چونکہ ہم فریش ونڈو انسٹال کرنا
چاہ رہے ہیں لہٰذا آپ Custom پر کلک کریں۔
· اس مرحلہ
میں آپ اپنی ہارڈ ڈسک کی پارٹیشنز بنائیں گے۔ یہ انسٹالیشن کا سب سے اہم مرحلہ ہے۔
اس مرحلہ میں آپ اپنی ہارڈ ڈسک میں سے سپیس مختص کریں گے۔ اگر اپنی نئی ڈرائیو
بنانا چاہتے ہیں توNEWپر کلک کریں۔ ایک نئی ڈرائیو بن جائے گی۔
· جب آپ
اپنی مرضی کی ڈرائوز بنا چکیں تو وہ ڈرائیو منتخب کریں جہاں آپ اپنی ونڈو انسٹال
کرنا چاہتے ہیں۔ FORMAT کو کلک کریں اور اس طرح
سے اس ڈرائو میں موجود تمام سابقہ ڈیٹا ضائع کر دیا جائے گا۔ اب NEXT پر کلک کریں۔
· NEXT پر کلک کرتے ہی آپ کی ونڈو انسٹال ہونا شروع ہو
جائے گی۔ اس دوران آپ چائے پی سکتے ہیں اور کچھ دیر انتظار کریں۔ یاد رہے آپ اپنے
سسٹم کو بند نہیں کریں گے۔ اگر آپ نے ایسا کیا تو آپ کو سارا عمل دوبارہ دُہرانا
پڑ سکتا ہے۔
· اب
جبکہ آپ کی تمام فائلز انسٹال ہو چکی ہیں آپ کا سسٹم ری سٹارٹ ہو جائیگا۔ اب آپ کو
ایک USER
SETTINGS
کا مینو دکھائی دے گا۔ اپنا نام اور پاس ورڈ لکھیں اور NEXT
پر کلک کریں۔
· اگر آپ
نے اپنی ونڈوز کی ڈی وی ڈی پاکستان سے حاصل کی ہے تو آپ کی ونڈوز پہلے سے ہی
ایکٹویٹڈ ہوگی، بصورت دیگر آپ کو ڈی وی ڈی کے کور پر پروڈکٹ کی لکھی نظر آئے گی،
اسے دئے گئے باکس میں لکھیں اور NEXT کلک کریں۔ آپ ونڈوز انسٹال کر چکے ہیں۔ اب ونڈوز سیٹ اپ کو
ٹائم زون، کمپیوٹر کی لوکیشن اور انٹرنیٹ کی سیٹنگز مہیا کریں گے۔
· آپ کی ونڈوز 7 انسٹال ہو چکی ہے۔ مزید اچھے اچھے ٹیوٹوریلز کے لئے وزٹ کرتے
رہیں۔۔۔