آپ کو اپنے کمپیوٹر یا لیپ ٹاپ مین باقاعدگی سے ونڈوز ری انسٹال کرنے کی ضرورت نہیں

کمپیوٹر کے بارے میں بہت سی غلط فہمیوں میں سے ایک یہ بھی ہے کہ کمپیوٹر کی کارکردگی کو برقرار رکھنے کے لئے اس کی ونڈو کو گاہے بگاہے ری انسٹال کرتے رہنا چاہئے۔ آج ہم آپ کو کچھ ایسی ٹٰپس دینگے جن کے استعمال سے آپ کو ونڈو کو بار بار انسٹال بھی نہیں کرنا پڑے گا اور آپ کے کمپیوٹر کی کار کردگی بھی برقرار رہے گی۔ اگر آپ اپنے کمپیوٹر کا خیال رکھیں تو آپ کو بار بار ونڈو انسٹال کرنے کی ضرورت پیش نہیں آئے گی۔ کچھ لوگوں کا خیال ہے کہ وقت گزرنے کے ساتھ ساتھ ونڈوز کی کارکردگی اور سپیڈ کم ہوتی چلی جاتی ہے۔ ایسا درست نہیں، بس آپ کو اپنے کمپیوٹر کا تھوڑا خیال کرنا ہوگا۔

مندرجہ ذیل ہدایات پر عمل کرتے ہوئے آپ اپنے وقت کی بچت کر سکتے ہیں جو آپ ڈیٹا بیک اپ کرنے، سی ڈی سے ونڈو انسٹال کرنے اور اپنی مطلوبہ پروگرامز کو دوبارہ انسٹال کرنے میں لگائیں گے۔

ونڈوزکی کارکردگی وقت گزرنے کے ساتھ متاثر کیوں ہوتی ہے

میں یہ نہیں کہوں کا کہ آُپ کا سسٹم اب کبھی بھی سست رفتار نہیں ہوگا، کیونکہ ہم اس عمل کو آہستہ کر سکتے ہیں مگر روک نہیں سکتے۔ کیا عوامل ہیں جو ونڈوز کی کارکردگی کو متاثر کرتے ہیں؟ اگر آپ کے سسٹم میں انسٹال شدہ پروگرامز کی پروگرامنگ اس طرح کی ہے کہ وہ سی پی یو پر زیادہ لوڈ ڈالتے ہیں، بیک گرائوند میں چلتے رہتے ہیں، ونڈوز کا بوٹ ہوتے ہی سٹارٹ ہو جاتے ہیں، ایک سے زیادہ اینٹی وائرس ک استعمال یا ہارڈ ڈسک کی سپیس کا کم ہوجانا ایسے عوامل ہیں جن کی وجہ سے ونڈوز کو مورد الزام نہیں ٹھہرایا جا سکتا۔

غیر مستند شدہ پروگرامز سے اہتراز کریں

کمپیوٹر میں پروگرامز انسٹال کرنا ایسا ہی ہے جیسے اس کو کھانا کھلانا۔ اگر آپ اپنے کمپیوٹر میں غیر ضروری پروگرامز انسٹال کریں گے تو وہ بیمار ہو جائے گا۔ غیر مستند شدہ پروگرامزغیر ضروری DLL فائلز آپ کی ہارڈ ڈسک میں انسٹال کر دیتی ہے، اس کے ساتھ ساتھ وہ ونڈوز میں ایسی سروسز رن کر دیتی ہیں جن کی بعد ازاں ضرورت نہیں ہوتی، رجسٹری کو اوور لوڈ کرنا اور سسٹم ٹرے میں آئی کونز ایڈ کر دیتے ہیں جو کہ فضول میں CPU پر لوڈ کرتے ہیں۔ شروع میں ان پروگرامز کے انسٹال کرنے سے ہو سکتا ہے آپ کو محسوس نہ ہو مگر وقت گزرنے کے ساتھ ساتھ آپ سسٹم متاثر ہونا شروع ہو جائے گا۔

آپ اپنے سسٹم میں کیا انسٹال کرتے ہیں، اس بات کا دھیان رکھیں

بہت ساری ویب سائٹس پر بہت سے پروگرامز کے فیچرز بیان کئے ہوتے ہیں، مگر اس کا مطلب یہ ہرگز نہیں ہے کہ آپ ہر وہ سوفٹ ویر یا پروگرام انسٹال کر لیں۔ صرف وہی پروگرام انسٹال کریں جن کی آپ کو واقع ضرورت ہے اور آپ ونڈوز ری انسٹال کرنے سے بچ سکتے ہیں۔ کچھ پروگرامز جن کو انسٹال کرنے سے پہلے آپ کو محطاط ہونا چاہئے وہ یہ ہیں

1.    ایسے پروگرامز جو  ایکسپلورر پلگ (Explorer Plugin) کے طور پر کام کرتے ہیں۔  یہ پروگرامز چونکہ shell کے ساتھ اٹیچ ہو جاتے ہیں اس لئے یہ ڈائریکٹ سسٹم کی کارکردگی کو متاثر کرتے ہیں حتیٰ کہ آپ کے سسٹم کو کریش بھی کر سکتے ہیں۔

2.    اینٹی وائرس سوفٹ وئیر سسٹم کی رفتار کو سست کرنے کے لئے بدنام ہیں۔ آپ کو ایک سسٹم پر صرف اور صرف ایک اینٹی وائرس ایپلی کیشن استعمال کرنا چاہئے۔ اس سلسلے میں مائکروسافٹ  سیکورٹی ایسنشلز ہے۔

3.     ہر وہ پروگرام جو کہ دعویٰ کرتی ہے کہ وہ آپ کے سسٹم کی رفتارتیز کر سکتی ہے جیسا کہ SPEED UP YOUR PC  یا OPTIMIZE YOUR RAM ، اس طرح کے پروگرام آپ کے سسٹم کو متاثر کرتے ہیں۔ ان سے دور رہیں

4.    ہمیشہ اپنے سسٹم میں تیار کردہ کمپنی کے اپ ٹو ڈیٹ ڈرائیور انسٹال کریں، اور غیر مستند شدہ ڈرائورز سے گریز کریں

5.    Registry Cleaners ایسے پروگرام ہیں جو کہ کچھ حد تک تو آپ کے سسٹم کی کارکردگی بہتر بناسکتے ہیں مگر بہت سے ایسے ہیں جو کہ ونڈوز کے بوٹ ہونے کا ساتھ ہی لوڈ ہو جاتے ہیں اور سسٹم میموری یا ریم کے ضائع ہونے کا باعث بنتے ہیں۔

6.    جہاں تک ممکن ہو PORTABLE APPLICATIONS  استعمال کریں ، کیونکہ وہ آپ کے سسٹم میں کچرا نہیں چھوڑتے۔

 اپنے کمپیوٹر کو صاف رکھیں

جب آپ نے اپنے سسٹم کو بیکار پروگرامز سے صاف کر لیا ہے تو اب وقت ہے کہ آپ اپنے سسٹم سے غیر ضروری اور عارضی فائلز سے بھی جان چھڑا لیں۔ اس کے لئے ہم CCLEANER کے استعمال کا مشورہ دینگے یہ آپکے سسٹم سے تمام عارضی فائلز کو ڈٰیلیٹ کر دیا ہے۔ آپ اس کےشیڈول بھٰی کر سکتے ہیں۔

        CCLEANER آپ کو عارضی فائلز ڈیلیٹ کرنے کی آپشن دیتا ہے جبکہ، Belvedere آپ کو سسٹم سے تمام غیر ضروری فائلز کو ڈٰیلیٹ کرنے مدد دیتا ہے۔